O‘zbekiston Respublikasi Oliy taʼlim, fan va innovatsiyalar vazirligi

Tadbirda Fargʻona viloyati hokimi Xayrullo Bozorov, Oliy taʼlim, fan va innovatsiyalar vaziri oʻrinbosari Sarvarxon Buzrukxonov, oliy ta’lim muassasalari jamoalari, shuningdek, Qirgʻizistonning Oʻsh davlat universiteti jamoasi hamda talaba-yoshlar ishtirok etdi.

Marosimda so‘zga chiqqanlar, jumladan, viloyat hokimi Xayrullo Bozorov, ilk bor Fargʻonada o‘tkazilgan ushbu kibersport chempionati yoshlarning intellektual salohiyatini oshirishda, mantiqiy fikrlash va texnologik savodxonlikni rivojlantirishda muhim omil bo‘layotganini alohida ta’kidladi.

Tadbirda shuningdek, kibersportni yoshlar o‘rtasida ommalashtirish, uni xavfsiz va tizimli tarzda rivojlantirish, professional kibersportchilarni tayyorlash ushbu loyiha va musobaqaning asosiy maqsadi ekanligi qayd etildi.

Uch bosqichda tashkil etilgan final bosqichida respublikamizning 41 ta oliy ta’lim muassasasidan 64 ta jamoa safida 300 nafardan ziyod talaba “Dota2”, “CS2”, “FC25” kibersport o‘yinlari hamda “Just Dance” raqs yo‘nalishida o‘zaro bellashdilar.

Umumiy hisobda musobaqada 42 mingdan ortiq yoshlar bevosita qamrab olindi.

Tadbir davomida chempionat gʻoliblari va turli nominatsiyalar sohiblari tantanali taqdirlandilar.

“CS2” yo‘nalishi g‘oliblari:
🥇 1-o‘rin – Qoraqalpoq davlat universiteti (Qoraqalpog‘iston)
🥈 2-o‘rin – Jizzax Sambhram universiteti (Jizzax)
🥉 3-o‘rin – Webster University (Toshkent shahar 2)

“Dota2” yo‘nalishi g‘oliblari:
🥇 1-o‘rin – Webster University (Toshkent shahar 1)
🥈 2-o‘rin – Jahon iqtisodiyoti va diplomatiya universiteti (Toshkent shahar 3)
🥉 3-o‘rin – Qoraqalpoq davlat universiteti (Qoraqalpog‘iston)

“FC25” bo‘yicha:
🥇 1-o‘rin – Yangi Oʻzbekiston universiteti (Toshkent)
🥈 2-o‘rin – Toshkent axborot texnologiyalari universiteti (Toshkent)
🥉 3-o‘rin – Farg‘ona jamoat salomatligi tibbiyot instituti (Farg‘ona)

“Just Dance” raqs yo‘nalishi bo‘yicha:
🥇 1-o‘rin – Oʻzbekiston davlat jismoniy tarbiya va sport universiteti (Toshkent)
🥈 2-o‘rin – Toshkent davlat iqtisodiyot universiteti (Toshkent)
🥉 3-o‘rin – Andijon davlat texnika universiteti (Andijon)

Oʻzbekiston fijital sport federatsiyasi tomonidan Just dance sport yoʻnalishi boʻyicha musobaqlar davomida seleksiya ishlari ham olib borilib, 9 nafar sportchilar federatsiyaning terma jamoasiga nomzod sifatida roʻyxatga olindi.

Fargʻona viloyati jamoasi aʼzosi “Gʻalabaga boʻlgan ishonchi uchun” Abduxalilova Ruxshona va Abdullayeva Nigora, Koreya Xalqaro universiteti

Jizzax viloyati jamoasi aʼzosi “Eng irodali sportchi” - Qurbonova Sabina, “Jizzax Sambhram universiteti”

Samarqand viloyati jamoasi aʼzosi “Eng jozibali sportchi” - Mustafoyeva Anora, “Toshkent axborot texnologiyalari Universiteti” Samarqand filiali

Surxondaryo viloyati jamoasi aʼzosi “Eng chiroyli ijro sohibasi” - Choriyeva Nilufar, Termiz davlat universiteti

Buxoro viloyati jamoasi aʼzosi “Eng shijoatkor sportchi” Qilicheva Sarvinoz, Buxoro davlat texnika universiteti

Xorazm viloyati jamoasi aʼzosi “Eng kuchli plastika sohibasi” - Abdujabborova Roʻzioy, OʻzDXA Urganch filivali

Toshkent shahar 1 jamoasi aʼzosi “Eng iqtidorli sportchi” - Milana Bundikova, TMS instituti

Toshkent shahar 2 jamoasi aʼzosi “Eng sinxron ijro sohibasi” - Tohirova Robiya, ISFT instituti

Andijon viloyati jamoasi aʼzosi “Eng kuchli atletik mahorat sohibasi” - Rahimberdiyeva Mohinur, Andijon davlat texnika universiteti

Qoraqalpogʻiston jamoasi aʼzosi “Eng epchil sportchi” – Qallibekova Dinora, Qoraqalpogʻiston davlat universiteti.

Nominatsiyalar boʻyicha:

Musobaqaning Oliy taʼlim va hududiy bosqichi oʻtkazishda eng faol oliy taʼlim universitetlari taqdirlash boʻyicha:

• Eng yaxshi tashkilotchi - Fargʻona davlat texnika universiteti
• Eng kreativ tashkilotchi - Buxoro davlat texnika universiteti
• Eng innovatsion tashkilotchi - Jizzax politexnika instituti

G‘olib jamoalar va nominatsiyalar sohiblariga chempionat kubogi, pul mukofotlari uchun vaucherlar, sertifikat, diplom, medallar hamda esdalik sovg‘alari tantanali ravishda topshirildi.

Tadbirda Qirgʻizistonning Oʻsh davlat universiteti jamoasi ham faol ishtiroki uchun alohida taqdirlandi.

Oʻzbekiston fijital sport federatsiyasi tomonidan Just dance sport yoʻnalishi boʻyicha musobaqlar davomida seleksiya ishlari ham olib borilib, 9 nafar sportchi federatsiyaning terma jamoasiga nomzod sifatida roʻyxatga olindi.

Marosim yakunida estrada xonandalarining Vatan, mehr-muhabbat va birdamlikni tarannum etgan kuy-qo‘shiqlari yig‘ilganlarga ko‘tarinki kayfiyat bag‘ishladi. Tadbirga yakun yasagan mushakbozlik esa barcha ishtirokchilarga yorqin taassurotlar qoldirdi.