“Talabalar kibersport o‘yinlari – Farg‘ona 2025” final bosqichi ochilish marosimi bo‘lib o‘tdi
2025-06-23 13:55:00 / Vazirlik yangiliklari
Dastlabki Farg‘ona viloyati hokimi o‘rinbosari Xurshidjon Axmedov so‘zga chiqib, turnirning yoshlar hayotidagi ahamiyati, raqamli sohadagi imkoniyatlar va Farg‘onada bu kabi yirik loyihalarni qo‘llab-quvvatlashga doimo tayyorlik borligini ta’kidladi. So‘ngra, Oliy ta’lim, fan va innovatsiyalar vaziri maslahatchisi Bobur Rahimov ham turnir ishtirokchilari, yosh kibersportchilar va tomoshabinlarga o‘zining samimiy tilaklarini bildirib, bu kabi musobaqalar yurtimiz yoshlari uchun katta motivatsiya manbai bo‘lishini qayd etdi.
🖇Mazkur loyihada, Qoraqalpog‘iston Respublikasi, Toshkent shahri va barcha viloyatlardan saralab olingan 64 ta jamoa (300 nafar ishtirokchi) 4 ta yo‘nalish – Counter Strike 2, DOTA 2, SPORTS FC 25 va Just Dance bo‘yicha g‘oliblik uchun kurash olib bormoqda.
Musobaqaning ochilish marosimidan so‘ng qur’a tashlash jarayoni bo‘lib o‘tdi. Unda ishtirokchi jamoalar to‘rt yo‘nalish bo‘yicha belgilangan tartibda raqiblarini aniqlab oldi.