“TalabaExpo – 2025”: Samarqanddagi nufuzli oliygohlar taqdimot o‘tkazdi, bitiruvchilarga diplomlar tantanali topshirildi
2025-06-21 14:05:00 / Vazirlik yangiliklari
Xususan, Samarqand davlat veterinariya meditsinasi, chorvachilik va biotexnologiyalar universiteti, Samarqand agroinnovatsiyalar va tadqiqotlar instituti, Kattaqo‘rg‘on davlat pedagogika instituti, Toshkent axborot texnologiyalari universiteti Samarqand filiali hamda Toshkent davlat iqtisodiyot universiteti Samarqand filiali rahbarlari tomonidan ushbu ta’lim muassasalarining asosiy faoliyat yo‘nalishlari, maqsad va vazifalari, zamonaviy o‘quv dasturlari, shuningdek, bitiruvchilari va ularning muvaffaqiyatli mehnat faoliyati haqida batafsil ma’lumotlar berildi.
Shundan so‘ng bitiruvchi talabalarga diplomlar oligohlar rahbarlari ishtirokida tantanali topshirildi. Bitiruvchilar, ularning ota-onalari va yaqinlari uchun quvonchli va unutilmas lahzalarga boy bo‘lgan ushbu marosimda yoshlarga samimiy tabriklar yo‘llanib, ularning kelgusi faoliyatida yutuqlar, mustahkam irodali bo‘lish va jamiyatda munosib o‘rin egallashlari tilab qolindi.
Mazkur ko‘rgazma doirasidagi tadbirlar yoshlarga nafaqat o‘z bilim va yutuqlarini tantanali tarzda nishonlash, balki mehnat bozoriga ishonch bilan kirib borishga tayyor ekanliklarini namoyon etish uchun ham muhim maydon bo‘lib xizmat qildi.