Moskva davlat universiteti professori Vladimir Yakuninga “Faxriy professor” unvoni topshirildi
2025-06-16 12:00:00 / Vazirlik yangiliklari
Muloqot davomida ikki tomonlama hamkorlikni yanada rivojlantirish masalalari muhokama qilindi. Xususan, qoʻshma ilmiy tadqiqotlar olib borish, professor-oʻqituvchilar va talabalar almashinuvi, ilmiy-amaliy konferensiyalar tashkil etish kabi yoʻnalishlarda hamkorlik istiqbollari yuzasidan fikr almashildi.
Uchrashuv doirasida professor Vladimir Yakuninga Toshkent davlat transport universitetining “Faxriy professori” unvoni tantanali ravishda topshirildi. Ushbu унвон olimning xalqaro ilmiy hamkorlikni rivojlantirishda hissasi va taʼlim sohasidagi xizmatlari eʼtirofi sifatida taqdim etildi.
Shundan soʻng mehmon universitet faoliyati, ilmiy laboratoriyalar va taʼlim jarayonlari bilan yaqindan tanishdi. Yakunda ikki nufuzli oliy taʼlim muassasasi oʻrtasidagi hamkorlik yangi bosqichga koʻtarilishi, ilm-fan va taʼlim sohasida barqaror va samarali hamkorlik yo‘lga qo‘yilishiga ishonch bildirildi.