O‘zbekiston Respublikasi Oliy taʼlim, fan va innovatsiyalar vazirligi

Yig‘ilishda Otabek Mahkamov so‘zga chiqib, O‘zbekistonda amalga oshirilayotgan ilmiy-texnik rivojlanish strategiyalari, innovatsion infratuzilmalarni kengaytirish, yosh olimlarni qo‘llab-quvvatlash va xalqaro ilmiy integratsiyani chuqurlashtirish borasidagi aniq yondashuvlarni bayon etdi. U ShHT doirasida ilm-fan va texnologiyalar sohasidagi amaliy loyihalarni birgalikda yo‘lga qo‘yish tashabbusini ilgari surdi.

Kun davomida O‘zbekiston delegatsiyasi vakillari Belarus, Qozog‘iston va boshqa davlatlar vakillari bilan ikki tomonlama uchrashuvlarda ishtirok etdi.

Shuningdek, dastur doirasida Sian neft universiteti prezidenti bilan uchrashuv o‘tkazildi va ilg‘or muhandislik yo‘nalishlari bo‘yicha O‘zbekiston fuqarolarini Xitoyda tayyorlashga qaratilgan hamkorlik bitimi imzolandi. Ushbu kelishuv doirasida iste’dodli yoshlarni qisqa va uzoq muddatli o‘qishga yuborish, professor-o‘qituvchilar almashinuvi va amaliyot loyihalarini yo‘lga qo‘yish ko‘zda tutilgan.