O‘zbekiston Respublikasi Oliy taʼlim, fan va innovatsiyalar vazirligi

Olimpiadada ishtirok etish uchun 82 nafar  talabgor ariza topshirgan bo'lib, ulardan 52 nafar talaba olimpiadada  ishtirok etdi. Qizg‘in bahslar va sinovlar natijasida 9 nafar talaba yuqori ball to‘plab, 2- bosqichga o‘tdi. Yakuniy bosqichda esa o‘z bilim va mahoratini to‘liq namoyon etgan 3 nafar talaba g'olib deb topildi!

Olimpiada ikki bosqichda tashkil etilgan boʻlib, ishtirokchilarning ham nazariy, ham amaliy (dasturlash) tayyorgarligi sinovdan oʻtkazildi:

-Talabalar informatika va axborot texnologiyalari fanining nazariy asoslari.
-Amaliy dasturlash  bosqichda yosh "IT" mutaxassislari berilgan masalalarni dasturlash orqali yechib, amaliy koʻnikmalarini qoʻllashdi.

Olimpiada gʻoliblari har ikki bosqich yakunlari boʻyicha toʻplangan umumiy ballar asosida aniqlandi. Eng yuqori natija koʻrsatgan 3 nafar ishtirokchi Oliy taʼlim, fan va innovatsiyalar vazirligining diplomi bilan taqdirlandi va eng muhimi, magistraturada davlat granti asosida oʻqish imkoniyatini qoʻlga kiritdi!

Barcha ishtirokchilarni, ayniqsa g'oliblarni chin dildan tabriklaymiz! Ularning erishgan yutuqlari axborot texnologiyalari  sohasining kelajagi yoshlar qo‘lida ekanligini yana bir bor isbotladi. Ushbu olimpiada yosh dasturchilar va innovatsiyalarni rivojlantirish uchun muhim platforma bo'ldi!