“Anor” yozgi dam olish oromgohi uchun tanlov
2025-06-04 14:30:00 / Vazirlik yangiliklari
“Vatandoshlar” jamoat fondi xorijda yashayotgan o‘zbek yoshlari uchun quvonarli yangilik bilan chiqdi — fond tomonidan 7 yoshdan 17 yoshgacha bo‘lgan yosh vatandoshlar uchun O‘zbekistonda tashkil etiladigan “Anor” yozgi dam olish oromgohi uchun tanlov e’lon qilindi.
Tanlovga kimlar qatnasha oladi?
Mazkur tanlov xorijda istiqomat qilayotgan 7 yoshdan 17 yoshgacha bo‘lgan o‘zbek millatiga mansub bolalar va o‘smirlar uchun mo‘ljallangan. Ushbu oromgoh ular uchun ona Vatan bilan yaqindan tanishish, o‘zbek tili, madaniyati, urf-odatlari va qadriyatlarini chuqurroq anglashga keng imkoniyat yaratadi. Shuningdek, yoshlar yangi do‘stlar orttirib, unutilmas taassurotlar bilan qaytadilar.
“Anor” oromgohi — bu nafaqat hordiq, balki ma’naviy o‘sish, til va madaniyatni o‘rganish, o‘zlikni anglash sari muhim qadamlardan biridir.
✈️ Xorijdagi yaqinlaringizga yuborib qo‘ying