Vazirlik huzuridagi Jamoatchilik kengashi Jizzaxda oliy ta’limdagi dolzarb masalalarni muhokama qildi
2025-05-28 15:15:00 / Vazirlik yangiliklari
Tadbirda Jizzax viloyatidagi nodavlat notijorat tashkilotlar vakillari, fuqarolik jamiyati faollari hamda oliy ta’lim muassasalari mutasaddilari ishtirok etdilar.
Seminar davomida oliy ta’lim tizimida korrupsiyagen holatlarni oldini olish, ta’lim sifatini oshirish hamda oshkoralikni ta’minlash masalalari atroflicha muhokama qilindi. Ishtirokchilar tomonidan ta’lim sifatining yetti asosiy indikatori asosida ishchi qo‘mitalar tuzish tashabbusi ilgari surildi.
Shuningdek, kelgusida grantlar asosida jamoatchilik nazoratini kuchaytirish, fuqarolik jamiyati ishtirokini ta’lim jarayonlariga keng jalb etish hamda oliy ta’lim muassasalarida ochiqlikni ta’minlash bo‘yicha aniq rejalar ishlab chiqildi.
Qayd etilganidek, mazkur tashabbus oliy ta’limda sifat va halollik madaniyatini shakllantirishga, shuningdek, jamoatchilik ishtirokining institutsional asoslarini mustahkamlashga xizmat qilishi bilan ahamiyatlidir.