O‘zbekiston Respublikasi Oliy taʼlim, fan va innovatsiyalar vazirligi

Shu asosda bugun, 27-may kuni O‘zbekiston Respublikasi Oliy ta’lim, fan va innovatsiyalar vazirligi bilan birgalikda Berdaq nomidagi Qoraqalpoq davlat universitetida talaba-yoshlarga yaratilgan sharoitlar, ularni turar joy bilan ta’minlash va bu yo‘nalishda amalga oshirilayotgan ishlar bo‘yicha press-tur tashkil etildi.

Ushbu tadbirda mahalliy ommaviy axborot vositalari vakillari, oliy o‘quv yurtlari matbuot kotiblari, universitet prorektorlari ishtirok etdi. Press-tur davomida OAV vakillari universitetda yangi qurilayotgan va foydalanishga topshirilgan talabalar turar joylari, undagi talabalarning dam olishi uchun yaratilgan infratuzilma bilan yaqindan tanishdi.

Tadbirda ta’kidlanganidek, so‘nggi yillarda davlat tomonidan oliy ta’lim muassasalarida ta’lim olayotgan yoshlar uchun qulay va xavfsiz sharoitlar yaratish, ularni sifatli ta’lim bilan birga munosib yashash joylari bilan ta’minlash yo‘nalishida keng ko‘lamli ishlar amalga oshirilmoqda. Xususan, Berdaq nomidagi Qoraqalpoq davlat universitetida yangi yotoqxonalar qurilishi, mavjudlari esa kapital ta’mirdan chiqarilishi orqali talabalar uchun zamonaviy yashash sharoitlari yaratilmoqda.

Press-tur ishtirokchilari uchun universitet talabalar turar joylaridagi talaba-yoshlar uchun yaratilgan sharoitlar, ularning bo‘sh vaqtlarini mazmunli o‘tkazish uchun tashkil etilgan to‘garaklar haqida batafsil ma’lumotlar berildi. Ushbu press-tur nafaqat universitetda amalga oshirilgan ishlarga baho berish, balki talaba-yoshlarning hayoti va ta’lim sifati bo‘yicha jamoatchilikni xabardor qilishda muhim ahamiyatga ega.