“Axborot-kutubxona faoliyati” yoʻnalishi boʻyicha malaka oshirish kursi muvaffaqiyatli yakunlandi
2025-05-23 20:30:00 / Vazirlik yangiliklari
Kurs aralash ta’lim usulida tashkil etilib, 2025-yil 5–10-may kunlari onlayn, 19–23-may kunlari esa an’anaviy shaklda olib borildi. Ta’lim jarayonida zamonaviy metodikalar va amaliy yondashuvlarga alohida e’tibor qaratildi.
Ushbu bosqichda 24 ta oliy ta’lim tashkilotining 59 nafar axborot-resurs markazi (ARM) xodimlari hamda 7 nafar ARM rahbarlari ishtirok etdi. Mashg‘ulotlar institut bazasida ma’ruza va amaliy shakllarda, shuningdek, axborot-kutubxonashunoslik sohasi bo‘yicha profil kafedralari mavjud bo‘lgan oliy ta’lim muassasalari bazalarida ko‘cha mashg‘ulotlari tarzida o‘tkazildi.
Tinglovchilarning bo‘sh vaqtlarini mazmunli o‘tkazish maqsadida G‘alaba bog‘i yodgorlik majmuasiga tashrif ham tashkil etildi.
Kurs yakunida barcha tinglovchilarga “Axborot-kutubxona faoliyati” yo‘nalishi bo‘yicha malaka oshirganliklarini tasdiqlovchi sertifikatlar topshirildi.