Yadro tadqiqotlari bo‘yicha yangi istiqbolli loyihalarni amalga oshirish muhokama qilindi
2025-04-26 09:15:00 / Vazirlik yangiliklari
Uchrashuv davomida O‘zbekistonning JINR doirasidagi ilmiy loyihalar va almashinuv dasturlaridagi ishtirokini yanada kengaytirish masalalari muhokama qilindi.
Sh. Daliyev o‘zbekistonlik olimlarning JINR bilan uzoq yillik va samarali hamkorligini ta’kidlab, yadro fizikasi, yuqori energiya fizikasi, materialshunoslik kabi yo‘nalishlardagi aloqalarni chuqurlashtirishdan manfaatdor ekanligini bildirdi.
Shuningdek, yosh olimlar va talabalarning JINRdagi ta’lim dasturlari, ilmiy maktablar va amaliyotlarda faol ishtirokini kengaytirish imkoniyatlari ham ko‘rib chiqildi.
Ayni kunlarda mamlakatimizda “O‘zbekistonda Yadro tadqiqotlari birlashgan instituti kunlari” bo‘lib o‘tmoqda. Ushbu tadbirlar 2026-yilda JINR tashkil topganining 70 yilligi munosabati bilan tashkil etilmoqda.