O‘zbekiston Respublikasi Oliy taʼlim, fan va innovatsiyalar vazirligi

Mazkur tashabbus doirasida Oliy taʼlim, fan va innovatsiyalar vazirligi tomonidan Toshkent arxitektura-qurilish universitetida 2025-yil 23-aprel kuni press-tur tashkil etildi. Tadbir davomida OAV vakillari universitetda muhandislik yoʻnalishi boʻyicha amalga oshirilayotgan ishlar, erishilgan yutuqlar, talabalar tomonidan bajarilgan innovatsion loyihalar va ularning ilmiy-amaliy ishlanmalari bilan yaqindan tanishdilar.

Press-tur ishtirokchilari universitetning ishlab chiqarish bilan integratsiyalashgan dual taʼlim dasturlari asosida olib borilayotgan faoliyati, shuningdek, yetakchi qurilish kompaniyalari bilan yoʻlga qoʻyilgan hamkorlik aloqalari haqida ham batafsil maʼlumotga ega boʻldilar.

Shuningdek, talabalarning amaliyot oʻtashi uchun ajratilgan qurilish obyektlariga tashrif uyushtirilib, u yerda boʻlajak mutaxassislar  qanday real loyihalarda ishtirok etayotgani, kasbiy koʻnikmalarini rivojlantirayotgani namoyish etildi. Oʻz sohasida muvaffaqiyatga erishgan, qurilish sohasida faoliyat olib borayotgan bitiruvchi talabalar bilan ham ochiq muloqot tashkil etildi.

Mazkur press-tur muhandislik sohasi va taʼlimi ahamiyatini keng jamoatchilikka yetkazish, yoshlarni ushbu yoʻnalishga boʻlgan qiziqishini oshirishga xizmat qiladi.