TIQXMMI Milliy tadqiqot universitetida “Vazir va yoshlar uchrashuvi” boʻlib oʻtdi
2025-04-23 18:20:00 / Vazirlik yangiliklari
Tadbirda vazir mamlakatimizda oliy taʼlim sohasida amalga oshirilayotgan keng koʻlamli islohotlar, ilmiy salohiyatli yoshlarni qoʻllab-quvvatlashga qaratilgan tashabbuslar, innovatsion gʻoyalarni amalga oshirish uchun yaratilayotgan sharoitlar xususida batafsil maʼlumot berdi. Yoshlarning bandligini taʼminlash, ularni startap va tadbirkorlik faoliyatiga keng jalb etish masalalari uchrashuv markazida boʻldi.
Talabalar tomonidan berilgan savollarga vazir atroflicha javob berdi. Jonli muloqot ruhida oʻtgan uchrashuvda yoshlar tomonidan bildirilgan taklif va tashabbuslar diqqat bilan eshitildi hamda tegishli takliflar asosida aniq vazifalar belgilab olindi.
Tadbir davomida Oliy taʼlim, fan va innovatsiyalar vaziri Qoʻngʻirotboy Sharipov universitetning bir guruh faxriy professor-oʻqituvchilari “Oliy taʼlim aʼlochisi” koʻkrak nishoni bilan, faol doktorantlar vazir faxriy yorligʻi, iqtidorli talabalar esa vazirlikning tashakkurnomasi bilan taqdirladi.