O‘zbekiston Respublikasi Oliy taʼlim, fan va innovatsiyalar vazirligi

Forum ishiga O‘zbekiston oliy taʼlim, fan va innovatsiyalar vaziri o‘rinbosari Sarvarxon Buzrukxonov hamda Polsha fan va oliy ta’lim vaziri o‘rinbosari Andjey Sheptitskiy kirish so‘zlari bilan start berishdi. Ular o‘z nutqlarida ikki mamlakat o‘rtasidagi oliy ta’lim, ilm-fan va innovatsiyalar sohasidagi hamkorlik aloqalari tobora mustahkamlanib borayotganini ta’kidlab, bugungi forum aynan bu yo‘nalishdagi hamkorlikni yangi bosqichga olib chiqishga xizmat qilishini qayd etishdi.

Forum davomida akademik almashinuv va qo‘shma ta’lim dasturlarini rivojlantirish, ikki diplomli dasturlar hamda talaba-o‘qituvchilar almashinuvi, stajirovkalar va yozgi maktablar tashkil etish, shuningdek, Polshaning yerik kompaniyalarida o‘zbekistonlik talabalarning pul to‘lanadigan amaliyotga jalb qilish hamda Erasmus+, Horizon Europe kabi xalqaro dasturlarda ishtirok etish imkoniyatlarini kengaytirish masalalari muhokama qilinmoqda. 

Shuningdek, so‘zga chiqqanlar bugungi kunda turizm jadal rivojlanayotgan bir davrda, ikki mamlakat o‘rtasidagi madaniy, iqtisodiy va ijtimoiy aloqalar kengayib borayotganini taʼkidladilar. Shu munosabat bilan, slovyan va o‘zbek tillarida tarjima xizmatlariga bo‘lgan ehtiyoj ham sezilarli darajada ortib, bu esa, tarjimonlik sohasida malakali mutaxassislar sonini ko‘paytirishni taqozo etayotgani qayd etildi.