Ilm yoʻlida ibrat – akademik Alimov yubileyiga bagʻishlangan konferensiya
2025-04-22 12:00:00 / Vazirlik yangiliklari
"Akademik Shavkat Alimovning hayoti va faoliyati – xalqimiz maʼnaviyati hamda ilm-fan ravnaqiga bagʻishlangan, samarali mehnat bilan qadr topgan sharafli yoʻldir. Uning ilmiy izlanishlari nafaqat Oʻzbekiston, balki jahon ilm-faniga ham munosib hissa qoʻshgan," – dedi vazir.
Konferensiyada yetakchi olimlar, professor-oʻqituvchilar, doktorantlar va yosh tadqiqotchilar ishtirok etib, matematik fizikaning dolzarb masalalari, zamonaviy metodlari hamda ularning amaliyotdagi qoʻllanilishi yuzasidan ilmiy maʼruzalar taqdim etdilar.
Tadbir davomida akademik Shavkat Alimovning fundamental ilmiy merosi, respublika va xalqaro miqyosdagi yutuqlari alohida eʼtirof etildi. Uning matematik fizika sohasidagi xizmatlari, ayniqsa, yosh olimlar uchun namuna sifatida taqdim etildi.
Konferensiya ilmiy hamkorlikni mustahkamlash, yangi tadqiqot yoʻnalishlarini belgilash va tajriba almashish uchun muhim maydon boʻldi.