Bitiruvchi qizlar bilan ochiq muloqot o‘tkazildi
2025-03-26 17:45:00 / Vazirlik yangiliklari
Uchrashuvda yoshlarga ta’lim va kasb-hunar o‘rgatish, ularning bandligini ta’minlash masalalari muhokama qilindi. Shuningdek, o‘qishga kirish jarayonida xotin-qizlar uchun yaratilgan imtiyozlar va xorijiy oliygohlarga kirishda davlat grantlari ajratilishi bo‘yicha ma’lumot berildi.
Muloqot davomida abituriyentlarga ko‘maklashish maqsadida oliy ta’limga tayyorlov kurslarini tashkil etish, texnikum va politexnikumlarda talab yuqori yo‘nalishlar bo‘yicha kasb-hunar o‘rgatish hamda mahallalar bilan hamkorlikda xotin-qizlarni qo‘llab-quvvatlash bo‘yicha ishlarni yo‘lga qo‘yish masalalari muhokama qilindi.
Mazkur uchrashuv Prezidentning PF-103-son qarori (14.03.2025-yil) da belgilangan maqsadli ko‘rsatkichlar, jumladan 250 ming nafar xotin-qizlarni kasb-hunar va tadbirkorlikka o‘qitish hamda ularni oliy ta’lim bilan qamrab olishga erishish maqsadida tashkil etildi.
Tadbir davomida bitiruvchi qizlarning fikr-mulohazalari tinglanib, ularning ta’lim va bandlik bilan bog‘liq savollariga javob berildi.