“Yoshlar Akademiyasi”ning V Assambleyasi bo‘lib o‘tdi
2025-03-25 14:45:00 / Vazirlik yangiliklari
Anjumanda respublika miqyosida 107 ta oliy ta’lim muassasalarining liderlari o‘z loyihalari bilan ishtirok etib, ko‘rsatgan natijalari haqida ma’lumot berishdi.
Shuningdek, assambleya doirasida yoshlar uchun ilmiy va ijtimoiy loyihalar, ta’lim tizimidagi yangiliklar, hamda jamiyatda yoshlarning o‘rni haqida muhim masalalar muhokama qilindi. Hududlardan eng iqtidorli, innovatsion faoliyat bilan shug‘ullangan 556 nafar yigit-qizlar “Yoshlar akademiyasi” a’zoligiga qabul qilindi.
Eng faol 8 nafar “Yoshlar akademiyasi” liderlari Oliy ta’lim, fan va innovatsiyalar vaziri Qo‘ng‘irotboy Sharipov tomonidan sertifikat hamda esdalik sovg‘alari bilan taqdirlandi.
Bundan tashqari, faoliyatini yaqinda boshlagan Yoshlar akademiyasi liderlariga ham “Yoshlar akademiyasi guvohnomasi” hamda belgisi topshirildi.
Ma’lumot uchun: “Yoshlar akademiyasi assambleyasi” – yoshlar akademiyasi vazifalarini amalga oshirish va mavjud muammolarni hal etishga qaratilgan takliflar va yechimlar ishlab chiquvchi, shuningdek, yoshlarni ilmiy-innovatsion faoliyatga keng jalb etish maqsadida tashkil etilgan, Yoshlar akademiyasi liderlaridan iborat tuzilma hisoblanadi.