Oliy ta’lim, fan va innovatsiyalar vazirligi hamda Mudofaa vazirligi o’rtasida hamkorlik bitimi imzolandi
2025-03-17 16:00:00 / Vazirlik yangiliklari
Strategik aloqalarni rivojlantirishga qaratilgan mazkur hamkorlik bitimi O‘zbekiston armiyasini zamonaviy texnologiyalar bilan ta’minlashga qaratilgan chora-tadbirlarni amalga oshirish, innovatsion yechimlarni mudofaa tizimiga joriy etish va harbiy sohada yuqori malakali mutaxassislarni tayyorlashga yo‘naltirilgan.
Ushbu hujjatda harbiy kadrlar transformatsiyasi, yosh iqtidorli harbiylarni aniqlash, yangi o‘quv dasturlarini joriy qilish kabi muhim masalalarda hamkorlik dasturlarini tashkil etish ko’zda tutilgan.
Shuningdek, tadbir davomida so‘nggi yillarda ikki vazirlik tomonidan birgalikda amalga oshirilgan amaliy ishlar va ularning natijalari tahlil qilinib, o’zaro hamkorlik loyihalarini yanada kengaytirish bo’yicha takliflar muhokama qilindi.