Vazir o‘rinbosari Oltinko‘l tumani mahallalari yoshlarining kasbga o‘rgatish imkoniyatlarini o‘rgandi
2025-02-26 17:25:00 / Vazirlik yangiliklari
Oliy ta’lim, fan va innovatsiyalar vaziri o‘rinbosari Sarvarxon Buzrukxonov Andijon viloyatining Oltinko‘l tumanidagi vazirlikka biriktirilgan mahallalarda bo‘lib, u yerdagi aholining turmush sharoiti, bandlik darajasi hamda kambag‘allikni qisqartirish bo‘yicha amalga oshirilayotgan chora-tadbirlar bilan tanishdi.
Shu bilan birga, hududiy mas’ul rahbarlar, ta’lim va ish bilan ta’minlash sohasidagi mutasaddilar bilan uchrashib, aholining kasb-hunarga o‘qitilishi, tadbirkorlik faoliyatini rivojlantirish va bandlikni oshirish masalalari yuzasidan muhokamalar olib bordi.
Uchrashuv yakunida mas’ul mutasaddilarga belgilangan vazifalar ijrosini ta’minlash bo‘yicha tegishli topshiriqlar berildi. Shuningdek, vazirlik tomonidan kambag‘allikni qisqartirish va bandlikni oshirishga qaratilgan qo‘shimcha tashabbuslar ishlab chiqish hamda mahallalar bilan tizimli ishlash bo‘yicha takliflar ilgari surildi.