O‘zbekiston Respublikasi Oliy taʼlim, fan va innovatsiyalar vazirligi

Yigʻilishda Oʻzbekiston davlat jahon tillari universitetini kompleks rivojlantirish, oliygohlar uchun xorijiy adabiyotlarni tarjima qilish hamda ijro intizomi bilan bogʻliq dolzarb masalalar muhokama qilindi.

Birinchi masala yuzasidan Oʻzbekiston davlat jahon tillari universitetining ijro intizomi, taʼlim jarayonini tashkil etish va ilmiy-tadqiqot ishlarini bajarish holati tanqidiy tahlil qilindi. Aniqlangan kamchiliklarni bartaraf etish yuzasidan universitet rahbariyati hisoboti eshitildi. Topshirilgan vazifalar oʻz vaqtida  bajarilmagani sababli Kuzatuv kengashiga unversitetning toʻrt nafar prorektoriga nisbatan hayfsan jazosi berish taklifi kiritildi. Shuningdek, 2025-yilda universitetni kompleks rivojlantirish maqsadida “Yoʻl xaritasi” va “Maqsadli koʻrsatkichlar” ishlab chiqish zarurligi taʼkidlandi. 

Taʼlim sifatini oshirish doirasida 148 ta oʻquv dasturini TOP-300 talikka kirgan oliygoh dasturlariga moslashtirish, 330 nomdagi oʻquv va ilmiy adabiyotlarni xarid qilish, 90 nomdagi oʻquv adabiyotlarini yaratish hamda 25 ta fan boʻyicha zamonaviy video darslarni yaratish choralarini koʻrish zarurligi taʼkidlandi.tayyorlash rejalashtirildi.

Ikkinchi masala – oliygohlar uchun xorijiy adabiyotlarni tarjima qilish jarayonlari muhokama qilindi. 2024-2026-yillar davomida 177 nomdagi xorijiy oʻquv adabiyotlarini sotib olish va tarjima qilish belgilangan boʻlib, masʼullarga bu boradagi muammolarni aniqlash va ularni bartaraf etish boʻyicha takliflar ishlab chiqish vazifasi yuklatildi. Shuningdek, 2024-yil aprel-may oylarida 120 dan ortiq adabiyotni toʻliq nashrdan chiqarish va oliy taʼlim muassasalariga yetkazish boʻyicha topshiriq berildi.

Kun tartibidagi uchinchi masala ijro intizomi hamda vazirlikka kelib tushgan topshiriqlarni nazorat qilish bilan bogʻliq boʻldi. Bu masala kunlik nazoratda ekani taʼkidlanib, har bir rahbarning ijro intizomiga rioya etishi uning shaxsiy masʼuliyati ekani taʼkidlandi. Har bir topshiriq ijrosi departament, boshqarma yoki boʻlim boshliqlari tomonidan oʻz vaqtida va sifatli taʼminlanishi kerakligi eslatib oʻtildi. Ijro intizomiga sustkashlik qilgan vazirlikning qator xodimlariga intizomiy chora qoʻllanildi.