O‘zbekiston Respublikasi Oliy taʼlim, fan va innovatsiyalar vazirligi

Qabul davomida viloyatdagi oliy va kasbiy ta’lim muassasalari professor-o‘qituvchilari va talabalari tomonidan turli taklif, tashabbus hamda murojaatlar bildirildi.

Jumladan, Is’hoqxon Ibrat nomli davlat stipendiyasini joriy qilish, aniq, texnika va muhandislik sohalarida tahsil olayotgan talabalarni chet el oliygohlariga stajirovka uchun yuborishni ko‘paytirish, yoshlar o‘rtasida “Kreativ g‘oyalar” festivalini o‘tkazish, Harbiy kafedralarni tashkil qilish, Oila psixologiyasi fanini 1-bosqichdanoq o‘qitish, texnikumlarda qo‘shma ta’lim dasturlarini ochish, xorijiy talabalar uchun o‘quv adabiyotlarni ko‘paytirish kabi takliflar ilgari surildi.

Murojaatlarning aksariyatiga joyida amaliy yechimlar berildi, ayrim masalalar bo‘yicha esa huquqiy tushuntirishlar taqdim etildi. Qo‘shimcha o‘rganish talab etiladigan murojaatlar yuzasidan mas’ullarga tegishli topshiriqlar berilib, ularning ijrosi nazoratga olindi.

Yig‘ilganlar ushbu sayyor qabul sohadagi muammolarni aniqlash, ularni hal etish va innovatsion rivojlanish yo‘lida muhim ahamiyat kasb etishini ta’kidlashdi.