“Maʼnaviyat hayotimizda yangi kuch, yangi harakatga aylanishi kerak” mavzusidagi malaka oshirish o‘quv-seminari o‘z yakuniga yetdi
2025-02-19 17:35:00 / Vazirlik yangiliklari
17–20-fevral kunlari Oliy taʼlim, fan va innovatsiyalar vazirligi, Respublika Maʼnaviyat va maʼrifat markazi hamda Ijtimoiy-ma’naviy tadqiqotlar instituti hamkorligida tashkil etilgan ushbu seminar davomida Toshkent shahri va Toshkent viloyatidagi davlat va nodavlat oliy taʼlim tashkilotlarining maʼnaviy-maʼrifiy ishlarga masʼul rahbarlari o‘z malakalarini oshirishdi.
Seminarda oliy taʼlim muassasalarida maʼnaviy-maʼrifiy ishlarni tizimli tashkil etish, yoshlarning intellektual salohiyatini oshirish, mafkuraviy immunitetini mustahkamlash va vatanparvarlik ruhini kuchaytirish kabi masalalar muhokama qilindi.
Tadbir yakunida qatnashchilarga sertifikatlar tantanali ravishda topshirildi. Ta’kidlanganidek, ushbu seminar ishtirokchilar uchun o‘zaro fikr almashish, tajriba orttirish va yangi tashabbuslarni shakllantirish uchun muhim platforma bo‘ldi.
Ma’lumot uchun: mazkur malaka oshirish o‘quv-seminari 24–26-fevral kunlari Qoraqalpog‘iston Respublikasi va qolgan viloyatlar oliy ta’lim muassasalarining birinchi prorektorlari uchun ham tashkil etilishi rejalashtirilgan.