O‘zbekiston Respublikasi Oliy taʼlim, fan va innovatsiyalar vazirligi

Uchrashuvda shuningdek, Rossiyaning O‘zbekistondagi elchixonasi attashesi Darya Yanova, oliy ta’lim, fan va innovatsiyalar vazirining birinchi o‘rinbosari Shohrux Daliyev hamda vazirlik mutasaddilari ishtirok etdi.

Uchrashuv davomida tomonlar transport sohasidagi ilg‘or texnologiyalar, intellektual transport tizimlari va innovatsion loyihalar yuzasidan hamkorlikni rivojlantirish masalalarini muhokama qildilar.

Qo‘ng‘irotboy Sharipov O‘zbekistonda oliy ta’lim va fan sohasida amalga oshirilayotgan islohotlar, innovatsiyalar hamda transport texnologiyalari bo‘yicha ustuvor yo‘nalishlar haqida ma’lumot berdi. U, shuningdek, mamlakatda intellektual transport tizimlarini joriy etish va uning samaradorligini oshirish borasida Rossiya bilan hamkorlikni mustahkamlash muhim ekanini ta’kidladi.

Yuriy Kozarenko intellektual transport tizimlarini rivojlantirish, jumladan, “aqlli” yo‘llar, elektromobillar va transport logistikasini takomillashtirish bo‘yicha o‘z takliflarini bildirdi. Konstantin Yashin esa Rossiyada amalga oshirilayotgan avtomatlashtirilgan transport tizimlari loyihalari haqida ma’lumot berib, mazkur sohada O‘zbekiston bilan hamkorlik qilish istiqbollarini muhokama qildi.

Uchrashuv yakunida tomonlar o‘zaro hamkorlikni kengaytirish, tajriba almashish va qo‘shma loyihalarni amalga oshirish bo‘yicha kelishuvlarga erishdilar. Shuningdek, transport va innovatsiyalar sohasida ilmiy-tadqiqot ishlarini olib borish va yosh mutaxassislarni tayyorlash bo‘yicha qo‘shma dasturlarni ishlab chiqishga kelishib olindi.

Shuningdek, mehmonlar vazirlik huzuridagi “Inno” texnopark faoliyati bilan tanishdilar va Rossiya bilan hamkorlikda amalga oshirilayotgan “Точка притяжения” loyihasi yuzasidan fikr almashdilar.