Surxondaryo viloyatiga xizmat safari davomida Oliy ta’lim, fan va innovatsiyalar vaziri o‘rinbosari Sarvarxon Buzrukxonov oliy ta’lim muassasalari rahbarlari bilan uchrashdi.
2025-02-12 21:05:00 / Vazirlik yangiliklari
Shundan so‘ng, viloyat hokimi o‘rinbosari I.Safarov va Termiz davlat universiteti rektori A.Toshqulov hamrohligida universitet kampusida amalga oshirilayotgan yangilanish va bunyodkorlik ishlari ko‘zdan kechirildi.
Talabalarga yaratilgan sharoitlar o‘rganilib, “Ilmiy tadqiqot” markazi faoliyati bilan tanishildi. Qayd etilganidek, ushbu markaz respublikada analogi yo‘q laboratoriyalarni o‘zida jamlab, yosh olimlarga ilmiy izlanishlar olib borish uchun keng imkoniyat yaratmoqda.
Vazir o‘rinbosari, shuningdek, xalqaro standartlarga mos ravishda rekonstruksiya qilingan stadion va sport zalida bo‘lib, 1 milliard so‘m mablag‘ hisobiga qurilayotgan “Fitnes klub” loyihasi bilan tanishdi.
Tashrif davomida universitetning sirtqi ta’lim yo‘nalishi bitiruvchilari bilan uchrashuv ham tashkil etilib, ular bilan bo‘lgan muloqot esdalikka muhrlandi.