Boku shahrida III Xalqaro turkologiya kongressi oʻtkazildi
2024-12-04 12:55:00 / Vazirlik yangiliklari
Kongressda Oʻzbekistonning Ozarbayjondagi favqulodda va muxtor elchisi Bahrom Ashrafxonov, Turkiyaning Ozarbayjondagi favqulodda va muxtor elchisi Jahit Bagʻchi, Ozarbayjon, Turkiya, Oʻzbekiston, Qozogʻiston, Qirgʻizistonning oliy taʼlim muassasalari rektorlari va vakillari, shuningdek, ilmiy muassasa va tashkilotlarning xodimlari ishtirok etdi.
Kongress turk dunyosi milliy madaniyati va madaniy merosi kontekstida olib borilgan tadqiqotlar orqali moddiy va maʼnaviy merosning ahamiyati, madaniy merosni saqlash, ijtimoiy fanlarning madaniy merosga taʼsiri kabi masalalarni muhokama qilish, mamlakatlarning (Turkiya, Ozarbayjon, Oʻzbekiston) akademik muassasalari oʻrtasidagi ilmiy aloqalarning mustahkamlashga xizmat qiladi.
Kongress doirasida til, adabiyot, folklor, madaniyat, tarix, sanʼat, siyosatshunoslik, ijtimoiy siyosat va migratsiya tadqiqotlari, sotsiologiya, ekologiya, xalqaro munosabatlar kabi turli mavzular muhokama qilindi.