O‘zbekiston Respublikasi Oliy taʼlim, fan va innovatsiyalar vazirligi

Seminarni Oliy ta’lim, fan va innovatsiyalar vaziri Qo‘ng‘irotboy Sharipov kirish so‘zi bilan ochib, Farmondagi ustuvor vazifalarga to‘xtalib o‘tdi.

Jumladan, kasbiy ta’lim tashkilotlarining akademik mustaqilligini ta’minlash hamda ularning iqtisodiyot tarmoqlari talablariga mos kadrlar tayyorlash imkoniyatini kengaytirish, manfaatdor vazirlik va idoralarning ta’lim tashkilotlari bilan hamkorligini kuchaytirish, o‘quv jarayonlarini bosqichma-bosqich raqamlashtirish, ta’lim sifati va samaradorligini oshirish, turli darajadagi kasbiy ta’lim dasturlarining o‘zaro muvofiqligi va uzviyligini ta’minlash kabi yo‘nalishlardagi vazifalar, ularning ijrosini ta’minlash mexanizmlari bo‘yicha tegishli ko‘rsatmalar berildi.

Shundan so‘ng mas’ullar tomonidan seminar davomida ta’lim jarayoni, o‘quvchilar qabuli, oliy ta’lim muassasalari va ish beruvchi tashkilotlar bilan hamkorlik yo‘nalishlari bo‘yicha taqdimotlar qilindi.

Uchrashuv yakunida Prezident farmonida belgilangan topshiriqlar ijrosini sifatli ta’minlashda barcha rahbarlar mas’uliyati yanada oshgani alohida ta’kidlandi.