G‘oliblar “Innovatsion g‘oyalar yetakchisi” ko‘krak nishoni bilan taqdirlandi
2024-11-15 20:50:00 / Vazirlik yangiliklari
15-noyabr kuni InnoWeek-2024 xalqaro innovatsion g‘oyalar haftaligi doirasida “Innovatsion g‘oyalar yetakchisi” tanlovi g‘oliblarini taqdirlash marosimi bo‘lib o‘tdi. Bu yilgi tanlovga jami 97 nafar ishtirokchi hujjat topshirgan bo‘lib, g‘oliblik uchun tavsiya etilgan 42 nafar nomzodning loyiha va hujjatlari Respublika komissiyasi aʼzolari tomonidan ko‘rib chiqilib, baholandi.
Oliy ta’lim, fan va innovatsiyalar vaziri K.Sharipov hamda Innovatsion rivojlanish agentligi direktori Sh.Rajabbayev eng yuqori ball to‘plagan 14 nafar nomzodga sovg‘a va mukofotlarni topshirdi va ko‘krak nishoni bilan taqdirlangan yosh innovatorlarni tabriklab, kelgusi faoliyatida ulkan muvaffaqiyatlar tiladi.
Sovrindorlar ko‘krak nishoni, statuetka va 7,5 million so‘m miqdoridagi pul mukofoti bilan taqdirlanishdi.
- Qoraqalpog‘iston — Turemuratova Biybinaz Kenesbay qizi
- Andijon — Xashimjon Xalimov Xamidjanovich
- Buxoro — G‘aniyev Baxtiyor Shukurullayevich
- Jizzax — Musayev Sharof Mamarajabovich
- Navoiy — Shodiyev Asliddin Faxriddin o‘g‘li
- Namangan — Meliboyev Miraʼzam Foziljon o‘g‘li
- Qashqadaryo — Toshmamatov Bobur Mansurovich
- Samarqand — Safarova Lola O‘lmasovna
- Sirdaryo — Alijonov Jasurbek Rustambek o‘g‘li
- Surxondaryo — Xolmamatov Sherali Rustam o‘g‘li
- Toshkent viloyati — Rashidov Quvonchbek Turg‘unboy o‘g‘li
- Toshkent shahri — Baymuradov Shoxrux Maxmudovich
- Farg‘ona — Abdinazarov Xasanboy Xoliqnazarovich
- Xorazm — Sadullayev Sanjarbek Madiyarovich
Maʼlumot uchun, “Innovatsion g‘oyalar yetakchisi” ko‘krak nishoni O‘zbekiston Respublikasi Vazirlar Mahkamasining 2018-yil 2-oktyabrdagi 786-son qarori bilan taʼsis etilgan.