Erkinjon Turdimov xalqaro hamkorlar bilan uçraşuvlar ötkazdi
2026-10-21 18:00:00 / Vazirlik yangiliklari
Jumladan, Qirğiz Respublikasi maʼorif vaziri Dogdurkul Kendirbayeva bilan uçraşuvda qirğiz tilida taʼlim beriladigan maktablar uçun darsliklar tayyorlaş, pedagoglar malakasini oşiriş, tajriba almaşiş hamda oliy taʼlim taşkilotlari örtasida qöşma dasturlar va talabalar almaşinuvini rivojlantiriş masalalari muhokama qilindi.
Fransiya Respublikasining bolalar masalalari böyiça oliy komissari Sara El-Xayri bilan uçraşuvda esa maktabgaça taʼlimni rivojlantiriş, inklyuziv taʼlimni qöllab-quvvatlaş, pedagoglar malakasini oşiriş hamda bolalar farovonligini taʼminlaş sohasida tajriba almaşiş va qöşma dasturlarni amalga oşiriş masalalari yuzasidan fikr almaşildi.
Jahon bankining Yevropa va Markaziy Osiyo mintaqasi böyiça inson taraqqiyoti yönalişi mintaqaviy direktori Aparnaa Somanatan bilan muloqotda maktab taʼlimi sifatini oşiriş, taʼlim infratuzilmasini rivojlantiriş, pedagoglar salohiyatini mustahkamlaş va «Bilim» loyihasini amalga oşiriş istiqbollari körib çiqildi.
Uçraşuvlar taʼlim sohasidagi xalqaro hamkorlikni mustahkamlaş, ilğor tajribalarni joriy etiş va bolalar uçun sifatli taʼlim imkoniyatlarini kengaytirişga qaratildi.