Sammit doirasida: UNICЕF mintaqaviy direktori Samarqanddagi maktabgacha ta'lim tashkiloti faoliyati bilan tanishdi
2026-10-20 15:25:00 / Vazirlik yangiliklari
Mazkur sammitda qatnashayotgan xorijiy delegatsiyalar vakillari, xususan UNICEFning Yevropa, Markaziy Osiyo, Yaqin Sharq va Shimoliy Afrika bo‘yicha mintaqaviy direktori Eduard Begbeder hamda tashkilotning Toshkentdagi vakolatxonasi vakillari Samarqand shahridagi 67-sonli DMTTda bo‘lishdi.
Jarayonlar davomida mehmonlar tarbiyalanuvchilar uchun yaratilgan shart-sharoitlar, ta’lim-tarbiya jarayoni va bolalarning har tomonlama rivojlanishiga qaratilgan mashg‘ulotlar bilan yaqindan tanishishdi.
Shuningdek, SmartED loyihasi doirasida joriy etilayotgan yangi maktabgacha ta’lim o‘quv dasturi, jumladan, «Ilk qadam» davlat o‘quv dasturi asosida amalga oshirilayotgan zamonaviy va inklyuziv ta’lim yondashuvlari mehmonlarga taqdim etildi.
Ma‘lumot o‘rnida: bugungi kunda 67-sonli MTTda 360 nafar tarbiyalanuvchi ta’lim-tarbiya olmoqda. Shundan 3 nafari alohida ta’lim ehtiyojlariga ega bo‘lgan bolalar bo‘lib, ular inklyuziv guruhlarda tarbiyalanmoqda.