Özbekiston Respublikasi Ta’lim va ilm-fan vazirligi

Zamonaviy ilmiy-tadqiqot va 5D interaktiv laboratoriyalar faoliyati yo‘lga qo‘yildi

Toshkent davlat texnika universitetining “Elektr ta’minoti” kafedrasida davlat ilmiy-texnika dasturlari doirasida zamonaviy laboratoriyalarning ochilish marosimi bo‘lib o‘tdi.

Tadbirda universitet rektori, akademik S.M. Turobjonov, Innovatsion rivojlanish agentligi vakillari, prorektorlar, fakultet dekanlari hamda professor-o‘qituvchilar ishtirok etdi.

Marosim davomida “Elektr energiyasi iste’molini intellektual boshqarish” ilmiy-tadqiqot laboratoriyasi hamda “Elektr ta’minoti asoslari” fani bo‘yicha 5D interaktiv o‘quv-simulyatsiya laboratoriyasi taqdim etildi.

Mazkur laboratoriyalar ilmiy-tadqiqot va innovatsion faoliyatni rivojlantirish, fundamental tadqiqotlar natijalarini amaliyotga joriy etish, yosh olimlar va doktorantlarning ilmiy izlanishlarini qo‘llab-quvvatlash hamda yuqori malakali muhandis kadrlar tayyorlashga xizmat qiladi.

Ta’kidlash joizki, “Elektr ta’minoti asoslari” fani bo‘yicha 5D interaktiv o‘quv-simulyatsiya laboratoriyasi Markaziy Osiyo va MDH mamlakatlarida elektr ta’minoti sohasi bo‘yicha ta’lim jarayonida foydalanish uchun tashkil etilgan yagona 5D interaktiv o‘quv-simulyatsiya laboratoriyasi hisoblanadi.