Prezidentimiz belgilab bergan vazifalarni amalga oshirish choralari belgilab olindi ijrosi taʼminlanadi
2026-10-02 12:00:00 / Vazirlik yangiliklari
Unda vazirning birinchi oʻrinbosari S. Rajabov, vazir oʻrinbosari Oʻ. Salomov, vazirlikning tarkibiy boʻlinmalari va tizim tashkilotlari rahbarlari hamda xodimlari ishtirok etdi.
Yigʻilishda davlatimiz rahbari tomonidan oliy taʼlim, ilm-fan va innovatsiyalar sohasi oldiga qoʻyilgan vazifalarni amaliyotga samarali tatbiq etish, ularning ijrosini oʻz vaqtida va sifatli taʼminlash boʻyicha ustuvor chora-tadbirlar belgilab olindi.
Xususan, oliy taʼlim tashkilotlarida dual taʼlim qamrovini yanada kengaytirish, yangi avlod darsliklari va oʻquv adabiyotlarini yaratish, magistrlik dissertatsiyalari hamda ilmiy tadqiqotlarni real iqtisodiyot tarmoqlaridagi mavjud muammolar yechimiga yoʻnaltirish boʻyicha aniq vazifalar belgilandi.
Shuningdek, qoʻshimcha qiymat zanjirlarini shakllantirish, ilm-fan va ishlab chiqarish integratsiyasini kuchaytirish, ilmiy-tadqiqot ishlarining sifati va samaradorligini oshirish, ilmiy ishlanmalarni amaliyotga joriy etishga alohida eʼtibor qaratildi.
Olimlar tomonidan yaratilayotgan ilmiy ishlanmalar va yangi kashfiyotlarni keng targʻib qilish, ularning jamiyat va iqtisodiyotdagi ahamiyatini ommalashtirish, yoshlarni ilm-fanga keng jalb etish hamda ilmiy faoliyatni axborot maydonida keng yoritish boʻyicha ham tegishli vazifalar belgilandi.
Yigʻilish yakunida belgilangan vazifalar ijrosini taʼminlash boʻyicha aniq chora-tadbirlar rejasini shakllantirish, masʼullarni biriktirish, ijroni qatʼiy nazoratga olish hamda belgilangan topshiriqlarni oʻz vaqtida va sifatli amalga oshirish yuzasidan tegishli topshiriqlar berildi.