O‘zbekiston Respublikasi Oliy taʼlim, fan va innovatsiyalar vazirligi

Ikki kun davom etgan tanlovda Xitoy, Qozog‘iston, Qirg‘iziston va O‘zbekistondan 96 nafar talaba 24 ta jamoa tarkibida ishtirok etdi.
Yoshlar:
🔹 intellektual logistika va ta’minot zanjiri;
🔹 sun’iy intellekt, IT va robototexnika
yo‘nalishlarida o‘z bilim va amaliy ko‘nikmalarini namoyish etdilar.

Ishtirokchilar real kasbiy vazifalarga yaqinlashtirilgan amaliy topshiriqlarni bajarib, zamonaviy texnologiyalar asosida yechimlar ishlab chiqishdi hamda innovatsion loyihalarini ekspertlar oldida himoya qildi.

🏆 Tanlov yakuniga ko‘ra:
🥇 1-o‘rin — Toshkent davlat transport universiteti;
🥈 2-o‘rin — Toshkent axborot texnologiyalari universiteti;
🥉 3-o‘rin — Qirg‘iz davlat universiteti hamda Samarqand xalqaro kolleji.

🇺🇿 Ikki yo‘nalishda g‘olib bo‘lgan jamoalar endilikda Xitoy Xalq Respublikasida o‘tkaziladigan 2026-yilgi Butunjahon injener-texnik va professional ta’lim muassasalari ko‘nikmalar tanlovining navbatdagi bosqichida O‘zbekiston sharafini himoya qiladi.

📌 Tanlov O‘zbekiston Respublikasi Oliy ta’lim, fan va innovatsiyalar vazirligi, O‘zbekiston Respublikasi Transport vazirligi, Xitoy Xalq Respublikasi Ta’lim vazirligi, Xitoy Xalq Respublikasining Milliy rivojlanish va islohotlar komissiyasi, Tyanszin provinsiyasi Ta’lim qo‘mitasi, Toshkent davlat transport universiteti, axborot texnologiyalari, sun’iy intellekt va robototexnika sohalarida faoliyat yurituvchi 30 dan ortiq sanoat tashkilotlari ko‘magida tashkil etildi.