Vazir Qoʻngʻirotboy Sharipov Andijon davlat chet tillari instituti faoliyati bilan tanishdi
2026-09-26 10:00:00 / Vazirlik yangiliklari
Tashrif davomida vazir institutning taʼlim va ilmiy faoliyati, mavjud imkoniyatlari hamda talabalar uchun yaratilgan shart-sharoitlar bilan yaqindan tanishdi.
Dastlab, talaba-yoshlar tomonidan ishlab chiqilgan startap loyihalari taqdimoti oʻtkazildi. Unda loyihalarning mazmun-mohiyati, amaliy ahamiyati va ularni kelgusida rivojlantirish imkoniyatlari yuzasidan fikr almashildi.
Shuningdek, vazir talabalar farzandlari uchun tashkil etilgan bogʻcha faoliyati bilan tanishdi. Mazkur tashabbus talabalarning taʼlim olishi uchun qulay sharoit yaratish hamda ularni qoʻllab-quvvatlashda muhim ahamiyat kasb etishi taʼkidlandi.
Tashrif doirasida institut hududida qurilayotgan yangi bino ham koʻzdan kechirildi. Qurilish jarayoni, binoning kelgusidagi foydalanish maqsadi va infratuzilmani rivojlantirish boʻyicha amalga oshirilayotgan ishlar yuzasidan maʼlumot berildi.
Tashrif davomida institutda taʼlim sifatini oshirish, talabalar tashabbuslarini qoʻllab-quvvatlash hamda moddiy-texnik bazani mustahkamlash borasidagi ishlar bilan tanishildi.