“Kelajak tadbirkori – 2026” kasb, bandlik va tadbirkorlik imkoniyatlari yarmarkasi bo‘lib o‘tdi.
2026-09-24 18:00:00 / Vazirlik yangiliklari
Yarmarka doirasida yoshlarning tadbirkorlik ko‘nikmalarini rivojlantirish, ularni mehnat bozoriga tayyorlash hamda zamonaviy kasbiy imkoniyatlar bilan tanishtirishga qaratilgan qator tadbirlar tashkil etildi.
Taniqli tadbirkorlar ishtirokidagi biznes-treningda yoshlarga biznes boshlash, imkoniyatlardan samarali foydalanish va muvaffaqiyatga erishish bo‘yicha amaliy tavsiyalar berildi.
Seminar-treningda esa talabalar ishga joylashgandan keyingi karyera rivoji, shaxsiy brending, soft skills hamda professional tarmoqlarga qo‘shilish bo‘yicha zarur bilim va ko‘nikmalarga ega bo‘lishdi.
Bundan tashqari yoshlarlarning zamonaviy va istiqbolli loyihalari, ularni amalga oshirish imkoniyatlari Yoshlar startap g‘oyalari taqdimotida namoyish etildi.
Taqdimotlar yakunida “Kelajak tadbirkori — 2026” doirasida loyihalari ma’qullangan ishtirokchilarga vaucherlar tantanali ravishda topshirildi.