Birinchi O‘zbekiston-Italiya ta’lim forumi bo‘lib o‘tadi
2024-09-23 10:40:00 / E’lonlar
Forumda Italiya Universitetlar va tadqiqotlar vazirligi hamda uning huzuridagi 25 ga yaqin universitetlar, 40 dan ortiq O‘zbekiston oliy ta’lim muassasalari rahbarlari va boshqa mas’ul vakillar ishtirok etadi.
Forum “Universitetlar hamkorligining yangi bosqichi - ikki davlat va jamiyat rivojlanishining muhim omili” mavzusida bo‘lib o‘tadi. Tadbir davomida ta’lim sohasida zamonaviy yondashuvlar, ilg‘or raqamli texnologiyalar va innovatsion o‘qitish usullarini joriy etish, qo‘shma ta’lim dasturlarini tashkil etish, ilmiy tadqiqotlarni rivojlantirish hamda talabalar va professor-o‘qituvchilarning akademik mobilligini kengaytirish masalalari muhokama etiladi
O‘tkazilish joyi:
24-sentyabr - Toshkent shahrida (Toshkent shahridagi Turin politexnika universiteti);
25–27-sentyabr - Buxoro va Samarqand viloyatlarida.