Özbekiston Respublikasi Ta’lim va ilm-fan vazirligi

Mazkur tadbirda O‘zbekiston Respublikasi Oliy ta’lim, fan va innovatsiyalar vazirligi, shuningdek, loyiha hamkori bo‘lgan oliy ta’lim tashkilotlari vakillari ishtirok etdi.
GREENDT loyihasining asosiy maqsadi — atrof-muhit muhandisligi sohasida innovatsion magistrlik dasturini ishlab chiqish va joriy etish, shu orqali barqaror rivojlanish hamda iqlim o‘zgarishi bilan bog‘liq muammolarni hal etishga munosib hissa qo‘sha oladigan yangi avlod mutaxassislarini tayyorlashdan iborat.
Uchrashuvning dastlabki kunida loyiha doirasida shu kungacha amalga oshirilgan ishlar va erishilgan natijalar tahlil qilinib, mavjud masalalar muhokama etildi hamda kelgusi bosqichlarda bajarilishi lozim bo‘lgan ustuvor vazifalar belgilab olindi.
Tadbirning keyingi kunlarida loyiha doirasidagi muhokamalar va ishchi sessiyalar davom ettirildi Shuningdek, ishtirokchilar uchun Aveiro hududida joylashgan ishlab chiqarish korxonalariga amaliy tashriflar tashkil etildi.