Oliy va professional ta’lim sohasida koreyalik mutaxassislar O‘zbekistonga jalb qilinadi
2024-09-18 17:00:00 / Vazirlik yangiliklari
Oliy ta’lim, fan va innovatsiyalar vaziri Qo‘ng‘irotboy Sharipov Koreya Respublikasining O‘zbekiston Respublikasidagi Favqulodda va Muxtor Elchisi Von Do Yonni qabul qildi.
Tomonlar O‘zbekiston Respublikasi va Koreya Respublikasi o‘rtasidagi hamkorlikning muhim yo‘nalishi bo‘lgan oliy ta’lim sohasidagi hamkorlikni rivojlantirishning istiqbollarini muhokama qildi.
Bugungi kunda respublikamizning oltita oliy o‘quv yurtlari Koreya Respublikasining sakkizta oliy o‘quv yurtlari bilan 9 ta qo‘shma ta’lim dasturlari tashkil etilgan bo‘lib, ular doirasida 134 nafar talaba tahsil olmoqda. Bu yo‘nalishda ishlarni yanada kuchaytirish muhimligi qayd etildi.
Oliy va professional ta’lim sohasida koreyalik mutaxassislarni jalb qilgan holda qo‘shma dasturlarni kengaytirish masalasiga ham to‘xtaldi.