Gonkong fan va texnologiyalar universiteti bilan hamkorlik istiqbollari muhokama qilindi
2026-09-09 17:00:00 / Vazirlik yangiliklari
O‘zbekiston Respublikasi Oliy ta’lim, fan va innovatsiyalar vaziri o‘rinbosari O‘ktam Salomov Xitoy Xalq Respublikasining Gonkong maxsus ma’muriy hududiga tashrifi doirasida “Gonkong fan va texnologiyalar universiteti (HKUST)” da bo‘ldi.
Tashrif davomida universitetning zamonaviy ta’lim va ilmiy-tadqiqot infratuzilmasi, innovatsion laboratoriyalari hamda talabalar uchun yaratilgan sharoitlar bilan yaqindan tanishildi.
Tashrif doirasida universitetning akademik strategiya va ma’lumotlar tahlili bo‘yicha prorektori, Global tahlil va strategiya yo‘nalishi rahbari doktor Elison Lloyd bilan uchrashuv o‘tkazildi.
Uchrashuvda tomonlar sheriklikda yuqori malakali kadrlar tayyorlash, ilg‘or ilmiy va texnologik yechimlarni O‘zbekiston oliy ta’lim tizimiga keng joriy etish, milliy universitetlarning tadqiqot salohiyatini oshirish hamda innovatsion ekotizimni yanada rivojlantirish bo‘yicha fikr almashdilar.