O‘zbekiston Respublikasi Oliy taʼlim, fan va innovatsiyalar vazirligi

Unda oliy ta’lim sohasida xalqaro hamkorlikni kengaytirish, talabalar va akademik almashinuvni rivojlantirish, qo‘shma ta’lim dasturlarini yo‘lga qo‘yish, xorijiy talabalar uchun ta’lim imkoniyatlarini kengaytirish hamda barqaror hamkorlik mexanizmlarini shakllantirish masalalari muhokama qilindi.

Tadbirda Farg‘ona shahridagi Koreya xalqaro universiteti (Korea International University in Fergana — KIUF) vakillari ham ishtirok etdi. Mazkur universitet 2019-yilda tashkil etilgan bo‘lib, Koreya ta’lim tizimi asosida o‘quv jarayonini tashkil etadi hamda Koreya oliy ta’lim tashkilotlari bilan hamkorlikda 2+2 va 3+1 shaklidagi qo‘shma ta’lim dasturlarini amalga oshirib kelmoqda.

Ayni paytda Farg‘ona shahridagi Koreya xalqaro universitetining 128 nafar talabasi 2+2 va 2+1 dasturi asosida o‘qishni davom ettirish uchun Jungbu universitetiga kelishgan. Ular yangi o‘quv yilidan sun'iy intellekt va smart mobillik bo‘yicha tegishli yo‘nalishlarda Janubiy Koreyada o‘qishni davom ettirishadi.

Uchrashuv yakunida tomonlar o‘rtasida xalqaro ta’lim almashinuvini rivojlantirish, Jungbu universitetining ta’lim tizimi va infratuzilmasi bo‘yicha tajriba almashish, xorijiy talabalar almashinuvini kengaytirish hamda ta’lim sohasidagi hamkorlikning yangi yo‘nalishlarini amalga oshirishni nazarda tutuvchi memorandum imzolandi.

Mazkur memorandum O‘zbekiston va Janubiy Koreya o‘rtasida oliy ta’lim sohasidagi hamkorlikni rivojlantirish, talabalar uchun xalqaro ta’lim imkoniyatlarini kengaytirishga xizmat qiladi.