O‘zbekiston va Yaponiya o‘rtasida ilm-fan va innovatsiyalar sohasidagi hamkorlik masalalari muhokama qilindi
2026-08-13 20:00:00 / Vazirlik yangiliklari

Muloqot davomida ikki davlat o‘rtasida ilm-fan, texnologiyalar va innovatsiyalar sohasidagi hamkorlikning bugungi holati hamda uni yanada rivojlantirish istiqbollari muhokama qilindi.
Tomonlar “aqlli shahar” texnologiyalarini joriy etish, qo‘shma ilmiy tadqiqotlarni qo‘llab-quvvatlash, innovatsion loyihalarni amalga oshirish, yosh olimlar uchun stajirovka dasturlarini kengaytirish hamda universitetlararo hamkorlikni rivojlantirish masalalariga alohida e’tibor qaratdilar.
Shuningdek, Toshkent shahrida amalga oshirilayotgan pilot loyihalar, SATREPS dasturi doirasidagi ilmiy tashabbuslar hamda InnoWeek–2026 xalqaro innovatsion g‘oyalar haftaligi doirasidagi hamkorlik istiqbollari yuzasidan fikr almashildi.
Uchrashuv yakunida O‘zbekiston va Yaponiya o‘rtasidagi ilmiy-texnik hamkorlikni yangi bosqichga olib chiqish bo‘yicha kelgusidagi ustuvor vazifalar belgilab olindi.






