Oliy ta’limda bitiruvchilar bandligi va “Qabul–2026” masalalari muhokama qilindi
2026-08-12 19:20:00 / Vazirlik yangiliklari
Yig‘ilishda oliy ta’lim tashkilotlarining yoshlar masalalari va ma’naviy-ma’rifiy ishlar bo‘yicha birinchi prorektorlari (direktor o‘rinbosarlari), o‘quv ishlari bo‘yicha prorektorlari (direktor o‘rinbosarlari) hamda mazkur yo‘nalishlarga mas’ul bo‘lgan bo‘linma rahbarlari ishtirok etdi.
Unda bitiruvchilarni ish beruvchilar tomonidan baholash jarayonlarini tashkil etish, “Mening birinchi kasbim” dasturi doirasida bitiruvchi talabalarning ishlab chiqarish amaliyotini moliyalashtirish, shuningdek, 2026/2027-o‘quv yili qabul jarayonlari bo‘yicha amalga oshiriladigan chora-tadbirlar muhokama qilindi.
Muhokamalar yakunida belgilangan vazifalarni o‘z vaqtida va sifatli amalga oshirish, mas’ullar faoliyatini muvofiqlashtirish hamda qabul jarayonlarini samarali tashkil etish yuzasidan tegishli topshiriqlar berildi.
Yig‘ilish Toshkent shahridagi oliy ta’lim tashkilotlari mas’ullarining vazirlik binosida oflayn, hududlardagi oliy ta’lim tashkilotlari vakillarining esa markaziy studiyalardan ZOOM platformasi orqali onlayn ishtirokida o‘tkazildi.