Paxta terimi mavsumiga tayyorgarlik: mexanizatorlar uchun o‘quv kurslari tashkil etildi
2026-08-11 15:20:00 / Vazirlik yangiliklari
Oliy ta’lim, fan va innovatsiyalar vazirligi hamda Qishloq xo‘jaligi vazirligi hamkorligida o‘tkazilayotgan mashg‘ulotlarda ishtirokchilarning zamonaviy qishloq xo‘jaligi texnikalarini boshqarish, ulardan samarali foydalanish, texnik xizmat ko‘rsatish va mehnat xavfsizligi bo‘yicha bilim va amaliy ko‘nikmalari oshirilmoqda.
O‘quv jarayonlari respublikamizning barcha tumanlarida, jumladan, Oqqo‘rg‘on va Karmana tumanlarida tashkil etilib, mexanizatorlar zamonaviy texnikalardan unumli foydalanish hamda paxta terimi jarayonini sifatli tashkil etish bo‘yicha tayyorgarlikdan o‘tmoqda.
Mazkur tashabbus — qishloq xo‘jaligi tarmog‘ini malakali kadrlar bilan ta’minlash va ta’limni ishlab chiqarish bilan uyg‘unlashtirish yo‘lidagi amaliy qadamdir.