Vazir Oʻzbek-Fransuz universitetining yangi kampusidagi qurilish ishlari bilan tanishdi
2026-08-08 11:00:00 / Vazirlik yangiliklari
Oliy taʼlim, fan va innovatsiyalar vaziri Qoʻngʻirotboy Sharipov Oʻzbek-Fransuz universiteti uchun barpo etilayotgan yangi kampusda amalga oshirilayotgan qurilish-taʼmirlash ishlari bilan tanishdi.
Tashrif davomida universitetning zamonaviy taʼlim infratuzilmasini shakllantirish, oʻquv xonalari va talabalar uchun zarur sharoitlarni yaratish boʻyicha olib borilayotgan ishlar koʻzdan kechirildi.
Masʼullarga qurilish ishlarini belgilangan talablar asosida sifatli va oʻz vaqtida yakunlash, universitetning moddiy-texnik bazasini zamonaviy talablar asosida shakllantirish boʻyicha tegishli koʻrsatmalar berildi.
Maʼlumot uchun, Oʻzbek-Fransuz universiteti 2025-yil 26-noyabrdagi Prezident qarori asosida tashkil etilgan boʻlib, universitetda 2026/2027 oʻquv yilidan taʼlim jarayonini yoʻlga qoʻyish rejalashtirilgan.