Bauman nomidagi MDTUning Toshkent shahridagi filialini rivojlantirish masalalari muhokama qilindi
2026-08-04 21:00:00 / Vazirlik yangiliklari
Uchrashuv davomida universitetning Oʻzbekistondagi filiali faoliyatiga oid dolzarb masalalar muhokama qilindi. Jumladan, 2026/2027 oʻquv yili qabul jarayonlarini samarali tashkil etish, filialni ishga tushirish hamda Yangi Toshkent shahrida barpo etiladigan zamonaviy kampus qurilishiga tayyorgarlik ishlari koʻrib chiqildi.
Shuningdek, iqtidorli yoshlarni muhandislik taʼlimiga keng jalb etish, yuqori malakali muhandis kadrlar tayyorlash sifatini yanada oshirish va qoʻshma taʼlim loyihalarini amalga oshirish masalalariga alohida eʼtibor qaratildi.
Tomonlar yangi kampus qurilishi boshlanishiga bagʻishlangan tantanali marosimni tashkil etish, filialni rivojlantirish hamda oliy muhandislik taʼlimi sohasidagi Oʻzbekiston–Rossiya hamkorligini yanada mustahkamlash boʻyicha keyingi amaliy qadamlarni ham muhokama qildilar.
Uchrashuv yakunida belgilangan vazifalarni amalga oshirish yuzasidan amaliy hamkorlikni izchil davom ettirishga kelishib olindi.