“Kelajak muhandislari” tanlovi g‘oliblari AQSHning yetakchi universitetlari va Silikon vodiysida tajriba orttirdi.
2026-07-29 15:00:00 / Vazirlik yangiliklari
Stajirovka davomida yosh muhandislar Stanford universiteti, Massachusets texnologiya instituti — MIT, Harvard universiteti, UC Berkeley hamda San-Fransisko davlat universiteti kabi nufuzli oliy ta’lim muassasalarining faoliyati, ilmiy-tadqiqot muhiti va innovatsion ekotizimi bilan yaqindan tanishdi.
Shuningdek, ishtirokchilar Silikon vodiysida faoliyat yuritayotgan tajribali mentorlar ko‘magida muhandislik ishlanmalarini bozor talablariga moslashtirish, ularni startap loyihalarga aylantirish, sun’iy intellekt texnologiyalari asosida rivojlantirish, biznes model ishlab chiqish, investitsiya jalb etish hamda mahsulotlarni tijoratlashtirish bo‘yicha bilim va amaliy ko‘nikmalarga ega bo‘ldi.
Yosh muhandis va olimlarning startaplar, innovatsion tadbirkorlik hamda texnologiyalarni tijoratlashtirish yo‘nalishlarida xalqaro tajriba orttirishi kelgusida milliy muhandislik maktablarini rivojlantirish, mahalliy ilmiy ishlanmalarni bozorga olib chiqish, yangi texnologik kompaniyalarni tashkil etish va mamlakatimizning innovatsion salohiyatini yuksaltirishga xizmat qiladi.