“TalabaExpo – 2026”: yoshlar bandligi va tadbirkorligi uchun yangi imkoniyatlar
2026-07-29 10:00:00 / Vazirlik yangiliklari
Ko‘rgazma-yarmarkada 212 ta muassasa va korxona ishtirok etib, 1 500 dan ortiq bo‘sh ish o‘rinlarini taklif qildi. Shuningdek, yoshlarning o‘zini o‘zi band qilishi va tadbirkorlik faoliyatini yo‘lga qo‘yishini qo‘llab-quvvatlash maqsadida 100 ga yaqin zarur asbob-uskunalar namoyish etildi hamda tijorat banklari tomonidan uy sharoitida biznes boshlash uchun imtiyozli kredit paketlari taqdim etildi.
Tadbir doirasida bo‘sh ish o‘rinlari yarmarkasi, ish beruvchilar bilan ochiq muloqotlar, amaliyot va stajirovka dasturlari bo‘yicha taqdimotlar, startap loyihalar ko‘rgazmasi, shuningdek, “O‘zmilliybank” mutaxassislari ishtirokida imtiyozli kreditlar va moliyaviy savodxonlik mavzusida seminarlar tashkil etildi.
Mazkur mehnat yarmarkasi ta’lim va ishlab chiqarish o‘rtasidagi hamkorlikni yanada mustahkamlash, bitiruvchilar va ish beruvchilar o‘rtasida samarali muloqot maydonini yaratish, yoshlarning mehnat bozoridagi raqobatbardoshligini oshirish hamda ularning bandligini ta’minlashga xizmat qiluvchi muhim amaliy tashabbus sifatida alohida ahamiyat kasb etdi.