Dastur davomida Coursera kompaniyasining Markaziy Osiyo bo‘yicha katta direktori Larisa Uitkroft (Larisa Whitcroft) ishtirokchilarni qutlab, mintaqada raqamli ta’limni rivojlantirish istiqbollari haqida fikr bildirdi.

Shuningdek, katta yechimlar bo‘yicha maslahatchi Aleksandra Urban “Sun’iy intellekt davrida ta’lim kelajagi”, katta vitse-prezident Entoni Salsito (Anthony Salcito) esa “Kelajak mehnat bozori uchun ko‘nikmalarni rivojlantirish” mavzusida ma’ruzalar qildi. Dastur yakunida Larisa Uitkroft ishtirokida “Markaziy Osiyodagi muvaffaqiyatli tajribalar va global istiqbollar” mavzusida ochiq muloqot tashkil etildi.

Mazkur tashrif ishtirokchilarga Coursera’ning ilg‘or ta’lim yondashuvlari, sun’iy intellekt asosidagi o‘quv yechimlari hamda global mehnat bozori uchun zarur kompetensiyalarni shakllantirish bo‘yicha xalqaro tajribani o‘rganish imkonini berdi.