“Inno”texnoparki rezidentligi bo‘yicha Ekspert komissiyasining navbatdagi yig‘ilishi o‘tkazildi
2026-07-09 15:10:00 / Vazirlik yangiliklari
Yig‘ilishda vazir o‘rinbosari innovatsion faoliyat bilan shug‘ullanayotgan tadbirkorlar bilan muloqot o‘tkazib, ularning loyihalari, ishlab chiqarish jarayonlari va istiqboldagi rivojlanish rejalari bilan yaqindan tanishdi.
Shuningdek, tadbir doirasida “Inter Kompozit” MChJ, “Kompozit Nanotexnologiyasi” MChJ, “CHINAR FM” MChJ, “ARHAT Inks” MChJ hamda “CYBERONE” MChJ tomonidan ishlab chiqilgan innovatsion loyihalar taqdim etilib, ularning texnologik yechimlari, tijoratlashtirish imkoniyatlari hamda amaliyotga joriy etish istiqbollari yuzasidan muhokamalar olib borildi.
Yig‘ilish yakunida har bir loyiha yuzasidan tegishli taklif va tavsiyalar ishlab chiqildi. Mazkur jarayon mamlakatimizda innovatsion ishlanmalarni qo‘llab-quvvatlash, yuqori texnologiyali ishlab chiqarishni rivojlantirish hamda ilm-fan, ta’lim va ishlab chiqarish integratsiyasini yanada mustahkamlashga xizmat qiladi.