Qo‘qonda turizm sohasida kadrlar tayyorlash istiqbollari muhokama qilinmoqda
2024-08-14 21:45:00 / Vazirlik yangiliklari
llmiy-amaliy seminarda O‘zbekistondagi turizm yo‘nalishi mavjud 30 dan ortiq oliy ta’lim muassasalarining rahbar xodimlari ishtirok etmoqda.
Anjumanda so‘zga chiqqanlar 2024/2025-o‘quv yili dasturlarini o‘quv yili yakunigacha turizm ta’limi dasturlarini jahon universitetlari reytingida top-100 talikka kiruvchi nufuzli universitetlar standartlari asosida qayta ishlab chiqish, ushbu yo‘nalish bo‘yicha dual ta’lim shaklini joriy etish, universitetlarning o‘zida amaliyot bazalarini tashkil etish kabi masalalar yuzasidan o‘zaro fikr almashishmoqda.
14-avgust kuni seminar qatnashchilari Qo‘qon shahridagi “Qoʻqon” davlat muzey-qoʻriqxonasiga hamda “Jome majmuasi” (amaliy san’at muzeyi) ga ham sayohat tashkil etildi. Mehmonlar ushbu majmualardagi betakror me’morchilik uslubi, qadimgi Qo‘qon aholisining turmush tarzi, turli eksponatlar va boshqa osori-atiqalar bilan yaqindan tanishish imkoniyatiga ega bo‘lishdi.
llmiy-amaliy seminar 15-avgust kuni ham o‘z ishini davom ettirib, unda turizm sohasida erishilgan yutuqlar va mavjud kamchiliklarga e’tibor qaratilib, sohani rivojlantirish bo‘yicha ilmiy takliflar muhokama qilinadi.
Ma’lumot o‘rnida, Prezident Shavkat Mirziyoyevning Farg‘ona viloyatiga tashrifi chog‘ida Qo‘qon universitetidagi turizm majmuasi bilan tanishib, universitetda turizm yo‘nalishi mavjud oliy ta’lim muassasalari vakillarining uchrashuvini tashkil etish bo‘yicha topshiriq bergan edi.