Vazirlik tizimi xodimlari o‘rtasida “Zakovat” intellektual o‘yini o‘tkazildi
2026-07-03 17:00:00 / Vazirlik yangiliklari
Oliy taʼlim, fan va innovatsiyalar vazirligining markaziy apparat va tasarrufidagi tizim tashkilotlari xodimlari o‘rtasida “Zakovat” intellektual o‘yini “Zakovat arena” binosida bo‘lib o‘tdi.
Turnirda vazirlikning markaziy apparati va tizim tashkilotlari xodimlaridan tashkil topgan, 30 yoshgacha bo‘lgan 6 nafar tarkibdan iborat bir nechta jamoalar ishtirok etdilar.
Yakuniy natijalarga ko‘ra, quyidagi jamoalar g‘olib topildi:
🥇1-o‘rin – Talaba va o‘quvchilarning ijtimoiy faolligini oshirish markazi jamoasi;
🥈2-o‘rin – Oliy taʼlim, fan va innovatsiyalar vazirligi jamoasi;
🥉3-o‘rin – Oliy taʼlimni rivojlantirish va global hamkorlik markazi jamoasi.
🏆Tanlov g‘oliblari Oliy ta’lim, fan va innovatsiyalar vazirligi tomonidan mos ravishda 6 donadan noutbuk, planshet va televizor bilan taqdirlandi.